Idara ya Elimu Sekondari ina Shule 18 zikiwemo Shule 17 za Serikali na Shule I ya binafsi. Idara hii inajumla ya watumishi sita wa Makao Makuu ya Halmashauri ambao ni Afisa Elimu Sekondari, Afisa Elimu Taaluma Sekondari, Afisa Elimu Vifaa na Takwimu Sekondari , Katibu Muhtasi, Mtuza Kumbukumbu za Ofisi na Dereva. Vilevile Idara inajumla ya Walimu 281 wanaume 189 wanawake, 92 na wasio Walimu 21 wanaume 18 na wanawake 3.
Majukumu ya idara
Idara inatekeleza majumu yafuatayo:-
Kusimamia sera na miongozo inayotolewa na Serikali kuhusu Elimu ya Sekondari ndani ya Wilaya
Kumshauri Mkurugenzi Mtendaji wa Halmashauri kuhusu shughuli zote zinazohusu Idara ya Elimu Sekondari
Kusimamia mitihani yote ya ndani ya Wilaya na ile ya Taifa yaani Kidato cha Pili, cha Nne na cha Sita
Kusimamia, kuratibu na kufuatilia shuhguli za ujenzi wa miundombinu katika Shule za Sekondari kama vile Nyumba za Walimu, Madarasa, Majengo ya Utawala , Maabara, Maktaba na vyoo.
Kupokea na kuwapangia vituo walimu na wafanyakazi wa idara wanaohamia au kuwajiriwa katika Halmashauri ya Wilaya ya Kiteto
Kuandaa taarifa za utekelezaji za Idara ya Elimu Sekondari za robo na mwaka kuwasilisha kwa wadau mbalimbali wa maendeleo kama vile Madiwani, Mkoa na Taifa
Kuandaa agenda na kuhudhuria vikao vyote halali vinavyohusu Idara ya Elimu Sekondari
Kuhakikisha kuwa Shule zote za Sekondari zina samani za kutosha na vifaa vya kujifunzia na kufundishia kwa ajili ya walimu na wanafunzi.
Kusimamia fedha za Idara za Elimu Sekondari zinatumika kwa kufuata Kanuni, Sheria Taratibu na Miongozo ya Fedha za Serikali.
Kusimamia na kuhakikisha kuwa wanafunzi wanapata Taaluma kwa kiwango kilicho bora kwa Mujibu wa Sera ya Elimu ya mwaka 1995.
Kusimamia na kuratibu shughuli zote za ukusanyaji, uchambuzi na kutafsiri takwimu za Idara ya Elimu Sekondari na kuzituma sehemu husika.
Kuratibu shughuli zote za michezo (UMISSETA) ngazi ya shule hadi taifa
3. Huduma zitolewazo na Idara
Kuwashauri wazazi/walezi kuwa karibu na watoto wao ili waweze kutimiza malengo ya ndoto zao, kwa mfano:- watoto wakike kutojihusisha na mapenzi wakiwa shuleni
Kuwashauri wazazi/walezi kupata ufahamu kuwa elimu ndio uridhi pekee kwa mtoto hivyo watimize jukumu lao la malezi na ufuatiliaji wa wanafunzi wawapo shuleni na nyumbani pia.
