TENGA SIKU MOJA UKAJIANDIKISHE KWENYE DAFTARI LA WAKAZI

Imetumwa : September 10th, 2024

Katibu Mwenezi CCM Taifa CPA. Amos Makalla amewahimiza wananchi wa Wilaya ya Kiteto kujitokeza kwa wingi kujiandikisha katika Daftari la Wakazi ili waweze kushiriki Uchaguzi wa Serikali za Mitaa 2024.

Rai hiyo ameitoa katika Mkutano  wa  hadhara ambao umefanyika Septemba 9,2024 katika kata ya Engusero.

CPA. Makalla amesema kwamba kujiandikisha kwenye Daftari la Kudumu la Wapiga Kura sio kigezo cha kushiriki Uchaguzi wa Serikali za Mitaa bali  kufanya hivyo kutamuwezesha kushiriki Uchaguzi Mkuu wa 2025.

"Ili kushiriki uchaguzi wa Serikali za Mitaa unapaswa ujiandikishe kwenye daftari la wakazi, tunafahamu mna kazi nyingi za shambani ila tenga siku moja tu ili ukajiandikishe kwenye daftari la wakazi kwani kwa kufanya hivyo ndio utaweza kupiga kura kwenye uchaguzi wa serikali za Mitaa ambao utafanyika Novemba 27,2024", amesema CPA.  Makalla.

Zoezi la uandikishaji wa wapiga kura kwaajili ya Uchaguzi wa Serikali za Mitaa litaendeshwa kwa muda wa siku 10 kuanzia Oktoba 11-20, 2024.

"Serikali za Mitaa, Sauti ya Wananchi Jitokeze  Kushiriki Uchaguzi".